1 қыркүйек Білім күніне арналған "Мектебім - мейірім мекені" атты «Алғашқы қоңырау» мерекесі өткізілді.

Шоқан  Уәлиханов   атындағы  Бөлтірік шешен  ауылының   орта  мектебінде  1 қыркүйек   Білім  күніне  арналған   "Мектебім - мейірім   мекені" атты  «Алғашқы қоңырау»  мерекесі  өткізілді.

Мақсаты: Балаларға  1 – қыркүйек күні – білім күні жайында түсінік беру. Еліміздің білімді, тәрбиелі азаматын елжандылыққа тәрбиелеу, білімге деген  құштарлығын арттыру.  

Алғашқы сөз кезегі мектеп директоры Сыдық Берік Сарыүйсінбекұлына берілді. Өз сөзінде биылғы 2023- 2024 оқу жылында болып жатқан өзгерістерге  тоқталып   өтті. Бірінші сынып табалдырығын аттаған оқушыларға жүрек жарды лебізін білдірді.

           Сонымен қатар мерекеміздің құрметті қонақтары: Кеңес ауылдық округінің әкімі Тәттібай Еркебұлан , ардагер ұстаз Ахатаева Лескүл апа  оқушыларға ізгі тілектерін арнап, жаңа оқу жылына сәттілік тіледі. 1- сынып білім алушысы Бигелді Айым «Мектебім»  әнін орындады . Алғашқы қоңырау соғылып, бүлдіршіндерге әліппе таратылды.