«СЫНДАРЛЫ ҚОҒАМДЫҚ ДИАЛОГ – ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ»
Біз еліміздің жаңа тарихындағы маңызды белеске жақындап келеміз. Отыз жылға жуық уақыт бұрын халқымыз өзінің Тәуелсіздігін жариялап, бабаларымыздың ғасырлар бойы аңсаған арманын орындады. Еліміздің әрбір азаматы Президент жолдауын асыға күтеді. Қ.К.Тоқаевтың «СЫНДАРЛЫ ҚОҒАМДЫҚ ДИАЛОГ – ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ» атты жаңа жолдауын тыңдаған мектеп мұғалімдері мен қызметкерлер құрамы ел өміріне серпіліс беретін жағымды жаңалықтарға куә болды. Жолдауды жан-жақты талқылап, өзара пікір алмасқан педагогтар құрамы келер күнге үлкен үмітпен қарап отыр. Ең бастысы, олардың әрқайсысы Президент қойған тың міндеттерге үлес қосуға әзір.
ҚР Президенті Қ.К.Тоқаевтың халыққа жолдаған жолдауының негізгі бағыттары бұған дейін Елбасы ұсынған 2050 жылға дейінгі ұзақ мерзімді даму стратегиясына және Ұлт Жоспарына сәйкес бірқатар құрылымдық міндеттерді іске асыруға бағытталған. Біріншіден, идеология туралы, әсіресе «NurOtan» партиясының қазіргі беделі, негізгі бағыты халықтың ішінде рухани тәрбие мен идеология қалыптастыру, сондай-ақ көптеген мәселелерді халықпен санасу керектігі сөз етілді. Сонымен қатар, білім беру сапасын жақсартуға аса мән берілді. Сөйлеген сөзінде келесі жылдан бастап ұстаздардың жалақысы 25 пайызға өсетіндігін де еске салды.
Сонымен қатар Қазақстан Президенті Қазақcтан халқына жолдауы кезінде жерді сату мәселесіне де тоқталды. Сондай-ақ шикізатқа байланған менталитеттен бас тартып, экономиканы әртараптандыру қажеттігін айтты. Сондай-ақ, жолдауда Елбасының «Ауыл – Ел Бесігі» арнайы жобасын іске асыру жалғасын табатынын және жоба аясында ауылдық өңірлерде ауыз су және газбен қамтамасыз ету сияқты инфрақұрылымдық мәселелерді шешумен қатар, мектеп, аурухана, спорт алаңдары бой көтеретіндігі туралы айтылды.
Президент Қ.К.Тоқаев жолдау барысында «Біз оқушылардың қабілетін айқындап,кәсіби бағыт-бағдар беру орта білім берудің ұлттық стандартының негізі болуы тиіс. Қала мен ауыл мектептері арасындағы орта білім сапасындағы алшақтықты жоюдың негізгі шешімі ауылдық жерлердегі білікті педагог кадрлармен қамтамасыз ету. Осы орайда «Дипломмен – ауылға»бағдарламасының аясын кеңейтілетінін болады. Аз қамтылған және көп балалы отбасыларды қолдау үшін Дарынды баланың қабілетін дамытудың жол картасыәзірленіп, осындай балалардың үйірмелер мен орталықтарға, жазғы лагерьлерге баруы үшін мүмкіндік жасалады» деп атап өтті.
Шоқан Уәлиханов атындағы
Бөлтірік шешен ауылының
орта мектебінің директоры
Сыдық Берік Сарыүйсінбекұлы