«РЕСПУБЛИКАМ МЕНІҢ – БАЙТАҒЫМ!»

Іс-шараның мақсаты: Оқушылардың Қазақстан Республикасының даму және қалыптасу жолы туралы білімдерін байыту, еліміздің тарихына деген қызығушылық пен құрметті арттырып, патриоттық сезім мен туған жерге деген сүйіспеншілікке тәрбиелеу.

2009 жылға дейін ұлттық және мемлекеттік мереке ретінде бүкіл халықпен аталып, қоғамдық қолдауға ие болған Республика күні Қазақстанның жаңа тарихында еліміздің басты мерекелерінің бірі болып қайта оралды.

2023 жылдың 24  қазанында Шоқан Уәлиханов атындағы Бөлтірік шешен ауылы орта мектебінің 8- сынып оқушылары және сынып жетекшісі Әкіман Жандостың ұйымдастыруымен 25 қазан Республика күні мерекесіне арналған «Республикам менің – байтағым!» атты мерекелік іс-шара өткізілді.

Қазақстан атты ұлы Отанымыздың игілігі мен өркендеуі үшін аянбай қызмет етіп, Тәуелсіздігіміздің тұғырлы, егемендігіміздің ғұмырлы болуы үшін күш-жігерлеріңізді салып, Отанымыздың жарқын болашағы жолында еңбек етіп жатқан барша Қазақстандықтарды Республика күнімен шын жүректен құттықтаймын! Бүгінгі мерекелік күнде  еліміз өркендеп, жайнап, ынтымақ-бірлігіміз ажырамасын. Мереке құтты болсын!