Облыстық пәндік олимпиададан оқушымыз жеңіспен оралды

Мектеп оқушылары арасында өткен республикалық пән олимпиадасының облыстық кезеңі қорытындыланды.Тараз қаласындағы №7 және 53 мектеп-гимназияларында жалпы білім беретін 15 пән бойынша республикалық олимпиаданың облыстық кезеңі өтті. Оған аудандар мен Тараз қаласынан 641 оқушы қатысты.

 Екі күнге жалғасқан облыстық пәндік олимпиадада өңірдің үздік білім ордаларының жоғары санатты тәжірибелі мұғалімдерінен құралған қазылар алқасы жүзден жүйрік, мыңнан тұлпарларды анықтады. Нәтижесінде, 282 оқушы 1, 2, 3 дәрежелі дипломдармен марапатталды. Оның ішінде 46 оқушы 1 орынды, 56 оқушы 2 орынды және 180 оқушы 3 орынды жеңіп алды. 

 Жеңімпаздарды облыстық білім басқармасы басшысының орынбасары Жәмилә Бекбатырова қалалық мәдениет үйінде облыстық білім басқармасының дипломымен, алғыс хатымен, алтын, күміс, қола медальдармен және бағалы сыйлықтармен салтанатты түрде марапаттады.

 Олимпиадаға мектебімізден  «Қазақстан тарихы»  пәні бойынша   қатысқан 11 сынып оқушысы Сарыүйсінбек Қанат ІІІ дәрежелі дипломмен марапатталды, Қанатты жеңісімен шын жүректен құттықтаймыз.