"Қарттарым - асыл қазынам"

Сіздерсіздер бүгінгі ұлықпандар,

Мың жасаған ұрпақпен ұлық жандар.

Қарттар тарих, қазына, ел қазығы, 

Ей, адамзат, осыны ұмытпаңдар!

 29 қыркүйек күні  7-сынып жетекшісі Тұяқбай Гүлнұр  сынып оқушыларымен бірлесе "Қарттарым асыл қазынам” атты мерекелік  кездесу кешін сыйлады. Концерттік бағдарламаны 7- сынып оқушысы Рахымжан Кәусар  “Қарттарым” әнімен ашып, көптің қошеметіне бөленді. Ән шырқалып, көркем сөз де оқылды,таң-тамаша қалдырар би де биленді. 

Өскелең ұрпаққа ұлағатты өсиетін айтып, ізінен ерген жас буынға ізетін аямайтын ата-әжелеріміз қашанда құрметке лайық. “Батаменен ел көгерер, жаңбырменен жер көгерер” - демекші, ата-әжелеріміз оқушыларға ақ жол, ізгі ниет тілектерің білдіріп, ақ батасын берді.

Мақсаты: Оқушылардың бойына халқымыздың қадір-қасиетін сіңіру, үлкенді сыйлай білуге, өз ата-бабасын ұмытпай есте сақтауға және аталы сөзден ғибрат алуға тәрбиелеу.